:Powered By BLOGFA.COM |
ټوکې ټکالی
يوه خان خپل نوکر ته وويل چې د باندی ولاړ سه او يو د اتلسو کالو زلمی راوله چې خپله لور ورکړم٠ نوکر تر نيمی لارې ولاړ او بيرته راوګرځېد او خان ته يې وويل چې که د اتلسو نه وو نو د نهو نهو دوه راولم؟ ښوونکی: ووايه چې پښتو ژبې ته ولې مورنۍ ژبه وايي؟ زده کوونکی: ځکه چې کله مور وينا شروع کړي بيا هيڅوک څه نسي ويلای٠
دوه زده کوونکي سره په خبرو وو چې له درسه يې شکايت درلود، يوه بل ته ويل چې راځه شېر خط واچوو که چېرې شېر وخوت نو پارک ته به ولاړ سو،که چېرې خط وخوت نو سېنما ته به ولاړ سو او که چېرې په بغل ودرېده نو مکتب ته به ولاړ سو.
ما يې تيری نام ژاړه چې مير يې په خره سپور راوړ !
سميع الله صميم
د تيری نام فلم د کابل او ګڼ شمېر نورو ښارونو او بانډو ځوانان اخيستي وو، بده ورځ وه، د هر کور څخه به د کهانا پيار هی اوازونه راغبرګېدل، ټايګر به غرمبېدل، بطری به چارج شوې وې چې د ګهيځ او بېګا به يې نه لرل خو د شپې به يې تيری نام ميلمه کړی وو، هيواد ته نوی ديموکراسي راغلی وه ما ويل خدايه د دې تيری نام بدمرغه نه به څنګه خلاص سو؟ په همدې چرتونو کښې په ښار کښی روان وم چې مير يې په خره سپور راورسېد، ټولو ښاريانو ايمانتر ملا کړ او په مير پسی يې ورمنډی کړې، ما وې راوګرځئ چېری ولاړئ، دغه دين، غيرت او پښتو مو چاته پرېښودل؟ يوه پلن اورميږي چې ايمان يې تر ملا ؤ او غيرت يې ورپسې ځړېده نيږدی وو چې ترېنه ولويږي په قهر سره راغبرګه کړه ( ما وې چې څه خبره ده په ما دی ناوخته کړه تولسي تيره شوه) .
له عهد مجلې څه په مننه
ټوکې ټکالی
ښوونکی له زده کوونکي څه پوښتنه وکړه قاتل چاته وايي؟ زده کوونکي وويل: نه پوهېږم٠ ښوونکي وويل: که ته خپل پلار ووژنې نو تاته څه ويل کيږي؟ زده کوونکي ويل: يتيم٠
د نړۍ د مخورو لقبونه او ځانګړنې د زده کوونکو لپاره
نسيم پسرلی
اديسون ته دبرېښنا پلار وايي٠ ارسطو ته لومړی ښوونکی وايي٠ اينشتين د اتوم پلار باله سي٠ بقراط د رنځپوهنی(طب) پلار بولي٠ سقراط ته د ښو کړنو (اخلاقو) پلار وايي٠ فرانسوي لومير ته د سېنما پلار وايي٠ يوناني هومر ته د شعر پلار وايي٠ يوناني هرودت ته د تاريخ پلار وايي٠ پاګاني ني ته د موسيقي پلار وايي٠ فارابي دويم ښوونکی باله سي٠ فيثاغورث د رياضي د پوهې بنسټګر باله سي٠ ديوفانت د البر د پوهې بنسټګر باله سي٠ روسي مندليف د کيميا دجدول جوړونکی باله سي٠
په کراچي کي د جهاني په وياړ د ترسره سوي غونډي راپور
په کراچي کي ميشتوادبپالو او فرهنګپالو افغانانو د پښتو د وتلي او ستر شاعر او ليکوال محترم عبدالباري جهاني په وياړ يوه پرتمينه ادبي غونډه د ۲۰۰۷ کال د سپټمبر پر دوهمه د يکشنبې په ورځ په ( رم جهم هال- ګلشن اقبال) کي جوړه کړه، چي ډېرو لر و بر پښتنو برخه پکښې درلوده.
پردېس له بينوا ويبپاڼې څخه په مننه
د عالمانو ویناوې
*د سيند په اوبو کې مخ پورته تګ قوت او جرات غواړي او د اوبو له جريان سره موافق تګ مړه کبان هم کولای سي (اسمايلز)*که زه د حقيقت په اظهار کې زيان ووينم پروا نسته خو چې حقيقت زما د چوپتيا په وجه زيان و نه ويني (مترلينګ)*بدبختي ده چې عقل او پوهه تربيه کوي (ويکتور هوګو)*ستاسی فکر چې هر څه وي تاسو همغه یاست، هیڅ امکان نه لري چې څوک له خپله فکره لوی سي یا د خپل فکر له حدودو څخه تجاوز وکړي.
(مترلینګ)
هر چا وځورولم
|
