:Powered By BLOGFA.COM |
دريمه برخه د پښتو ژبې د ډېر استعمال متلونه د زده کوونکو لپاره زده يې کړئ
را ټولونکی: نسيم پسرلی
توره سره ښه ده خو نه د ورور په وينو٠ چې بد غورځي، بد به پرځي٠ د ګيدړ تر ناز د زمري څيرل ښه دي٠ عقل د عزت ورور دی، که عقل لري عزت يې پور دی٠ ړوند په څراغ څه کوي٠ په توره هر څوک مري، سړی هغه دی چې په خبره ومري٠ پردۍ کار که دې ښه وکړ نو لاس دې تور کړ که دی بد وکړ مخ دې تور کړ٠ بېکارو ته شيطان کارونه ګوري٠ يو ويده بل ويده نسي ويښولای٠ بزه چې پر بام وخيژي ليوه ته هم ښکنځل کوي٠ که رښتيا نه وايم الله می نيسي که يې وايم عبدالله می نيسي٠ ريښتيا يا زورور وايي يا لېونی٠ که د شپې ولاړ نه سې، د ورځی به مزله ته ونه رسيږي٠ د بې غيرته کور مېلمه واکدار وي٠ سپمولي سپو خوړلي٠ سپر هغه ګرځوي چې توری ته اوږه سموي٠ د ميړه لوز ګوره، د ځمکی فصل، دښځی ښايست٠ له خالي لوښي لوی اواز خيژي٠ بزه له لېوه تښتېده پر قصاب واوښته٠ اس چې له خره سره وتړې د خره خويونه زده کوي٠
دوام لري
دويمه برخه د پښتو ژبې د ډېر استعمال متلونه د زده کوونکو لپاره زده يې کړئ را ټولونکی: نسيم پسرلی په ژوند کښې چا پر خره سپور نه دی ليدلی د بل په اسونو پورې به خاندي٠ چې جنګ نه کوي لو ډبره اخلي٠ د ژمي په لمر او د دښمن په خندا اعتبار نسته٠ ويل يې توتکۍ بې ازاره ده، ويل يې د چمن د چنجيانو و پوښته٠ تر بېکاره ودانۍ، په خرپ نړيدلې ښه ده٠ تر سړې ګټې تود تاوان ښه دی٠ دوست ته حال وايه دښمن ته لاپې٠ خپل خپل دی پردی مغل دی٠ کارګه د زرکی تګ کاوه خپل يې هېر سو٠ پور چې تر سلو تېر سو وچه مه خوره٠ خپل که دې مړ کړي لمر ته دې نه غورځوي٠ پز پريکړي که شرم درلودلای، د چړې نوم به يې نه اخيستلای٠ پردی غم نيم اختر دی٠ پښتون سل کاله وروسته بدل واخيست ويل يې تلوار مې وکړ٠ لندو خټو ته نری باران پلمه وي٠ د ډول ږغ له لېرې ښه خوند کوي٠ چا په کلي کښې نه پرېښوو ده ويل زما اس د ملک کره وتړئ٠ دعاوې زاړه کفن کښ وګټلې٠ تقدير او تدبير نه سره جوړيږي٠ د کونډې دوه غوايي وه يو ووت نه بل ننووت نه٠
لومړی برخه د پښتو ژبې د ډېر استعمال متلونه د زده کوونکو لپاره زده يې کړئ
را ټولونکی: نسيم پسرلی
دنيا چې پر خره بار کې خيرالله خان سي٠ دښمن هغه دی چې اول يې هو وي اخېر يې نه٠ د بې بخته په حلوا کښې غاښ ماتيږي٠ د غله په ږيره خس وي٠ د غنم له برکته زوز اوبيږي٠ مار له شينشوبي تښتېدئ هغه د غار په خوله کښې ورته شين سو٠ څه غنم لانده څه ژرنده پڅه٠ د يوې ورځې حاکم د سلو کالو کور خرابوي٠ خره ته دې خدای ښکر نه ورکوي، د غويو نسونه به څيري کړي٠ دوست به دې وژړوي دښمن به دې وخندوي٠ نم دېوال زړوي غم انسان٠ چې له خدايه ويريږي له هغه مه وېرېږه، چې له خدايه نه ويريږي له هغه ووېرېږه٠ سپی د فيل په سايه تلئ ويل يې دا سايه زما ده٠ تر څو د ريښتيا وار را رسيږي دروغو به کلي وران کړي وي٠ډېر يې موندل نه په لږو قانع کېدئ نه٠ پير که خس وي مريد ته بس وي٠ په غلبېل کې اوبه نه راوړلې کيږي٠ شرميږي هغه چې په شرم پوهيږي٠ په سلو وهلی ښه دی نه په يوه پړ٠ ميړه په خواري بد نه ښکاري٠ په لمر يی ګټه په سيوري يې خوره٠
دوام لري
|
